Uzbek Leasing International A.O. Андижон вилояти қурилиш соҳаси вакиллари билан учрашув ўтказди
2026 йил 6 август куни «Uzbek Leasing International A.O.» АЖ томонидан Андижон вилояти қурилиш компаниялари раҳбарлари ва вакиллари билан учрашув ташкил этилди. Тадбирда ўз лойиҳаларини амалга ошириш учун лизинг молиялаштиришидан фойдаланишга қизиқиш билдирган 25 дан ортиқ қурилиш ташкилотлари вакиллари иштирок этди.
Учрашувнинг асосий мақсади иштирокчиларни компаниянинг қурилиш соҳаси учун таклиф этаётган замонавий молиявий ечимлари билан таништириш ҳамда ҳудуд корхоналари билан ҳамкорликни янада кенгайтириш истиқболларини муҳокама қилишдан иборат бўлди.
Тадбир доирасида Uzbek Leasing International A.O. Бош директори Зафаржон Мустафаев лизинг молиялаштиришининг афзалликлари, компаниянинг амалдаги лизинг маҳсулотлари, қурилиш ва махсус техникани харид қилиш шартлари ҳақида сўз юритди. Шунингдек, у Ўзбекистоннинг турли ҳудудларида муваффақиятли амалга оширилган лойиҳалар мисолида компания тажрибасини тақдим этди.
Фаолияти давомида Uzbek Leasing International A.O. томонидан Андижон вилоятида 55 дан ортиқ лойиҳа умумий қиймати 15 миллион АҚШ долларидан зиёд маблағга молиялаштирилган бўлиб, бу қурилиш тармоғини ривожлантириш ва ҳудуд корхоналарининг техник паркини модернизация қилишга муносиб ҳисса қўшиб келмоқда.
Учрашув якунида иштирокчилар фикр алмашиб, ўзларини қизиқтирган саволларга жавоб олдилар, соҳанинг долзарб масалаларини муҳокама қилиб, янги лизинг лойиҳаларини амалга ошириш имкониятлари юзасидан фикр юритдилар.
#UzbekLeasing #Лизинг #Қурилиш #ҚурилишТехникаси #Молиялаштириш #КичикБизнес #Андижон #БизнесРивожи
