Грузиянинг AzRy МЧЖ онлайн-тақдимоти – Ўзбекистон Лизинг Ассоциацияси аъзолари учун
2026 йил 26 февраль куни AzRy компаниясининг молия сектори учун мўлжалланган IT-ечимлари бўйича онлайн-тақдимоти, шунингдек уларни Ўзбекистон лизинг соҳасида қўллаш имкониятлари муҳокамаси бўлиб ўтди.
Тадбирни кириш сўзи билан AzRy компаниясининг даромадлар стратегияси бўйича маслаҳатчиси хоним Нана Микашавидзе очиб берди. Ўз нутқида у компания фаолияти ҳақида умумий маълумот, асосий ривожланиш йўналишлари ва стратегик устуворликларни тақдим этди.
Асосий тақдимотни лизинг ечимлари бўлими раҳбари хоним Мариана Квитсиани олиб борди. Тадбир иштирокчилари компаниянинг замонавий технологик ишланмалари, уларнинг функционал имкониятлари ҳамда лизинг бизнесида жорий этиш бўйича амалий кейслар билан танишдилар.
???? Маълумот учун: AzRy (
https://www.azry.com/) (Грузия) — 2004 йилда ташкил этилган IT-компания бўлиб, дастурий ва аппарат таъминот ишлаб чиқиш, шунингдек ахборот технологиялари соҳасида консалтинг хизматларини кўрсатишга ихтисослашган.
«AzRy» номи грузин тилидан таржима қилинганда «ғоя» маъносини англатади.
Бугунги кунда AzRy давлат ва хусусий сектор учун тўлиқ ҳамроҳлик асосида комплекс технологик ечимларни таклиф этмоқда ҳамда лойиҳаларни нафақат Грузия ички бозорида, балки унинг ташқарисида ҳам амалга оширмоқда.
Онлайн-тақдимот Ўзбекистон Лизинг Ассоциацияси аъзоларида катта қизиқиш уйғотди ва профессионал мулоқот, тажриба алмашиш ҳамда компания IT-ечимларини мамлакат лизинг компаниялари фаолиятига жорий этиш истиқболларини муҳокама қилиш учун самарали майдон бўлди.
