Sohar International билан музокаралар
2026 йил 9 февраль куни Uzbek Leasing International A.O. Uzbek-Oman Investment Company билан ҳамкорликда Омон Султонлигининг етакчи банкларидан бири — Sohar International делегацияси билан амалий учрашув ўтказди. Банк корпоратив, инвестициявий ва исломий молия хизматларининг кенг шаклларини тақдим этади.
Sohar International делегацияси таркиби:
- жаноб Файсал Анвар Ал-Лавати (Faisal Anwar Al Lawati) — Ижрочи вице-президент, давлат тузилмалари билан ишлаш ва лойиҳавий молиялаштириш йўналиши раҳбари;
- жаноб Иброҳим Саиф Ал-Надаби (Ibrahim Saif Al Nadabi) — Ижрочи вице-президент, улгуржи (wholesale) бизнесда корпоратив бошқарув ва назорат йўналиши раҳбари;
- жаноб Саид Ал-Хусаиби (Said Al Khusaibi) — Халқаро бизнес-операциялар ва қўллаб-қувватлаш йўналиши раҳбари.
Sohar International ҳақида
Sohar International — корпоратив ва лойиҳавий молиялаштиришда етакчи мавкега эга, шунингдек исломий банкинг йўналиши ривожланган Омон Султонлигининг универсал банки. Банк халқаро ҳамкорликни фаол равишда кенгайтириб, иқтисодиётнинг турли соҳаларидаги лойиҳаларни молиялаштиришда иштирок этмоқда.
Учрашув доирасида
Uzbek Leasing International A.O. бош директори Зафаржон Мустафаев тақдимот ўтказиб, унда қуйидагиларни ёритиб берди:
- Ўзбекистонда лизинг бозорининг жорий ҳолати ва ривожланиш истиқболлари;
- Uzbek Leasing International A.O. фаолияти ва стратегик устувор йўналишлари;
- компанияда жорий этилган исломий молиявий маҳсулотлар — Ижара ва Мурабаха;
- муваффақиятли амалга оширилган лойиҳалар мисоллари.
Музокаралар давомида қуйидагилар муҳокама қилинди:
— кредит линияси очиш имкониятлари;
— устав капиталида иштирок этиш (equity participation) истиқболлари;
— кейинги инвестициявий ҳамкорлик механизмлари.
Uzbek Leasing International A.O. конструктив мулоқот ва ҳамкорликка қизиқиш билдиргани учун Sohar International жамоасига миннатдорлик билдиради. Олдинда — янги имкониятлар ва қўшма лойиҳалар
